சூரியன் FM நேயர்கள் மற்றும் தமிழக மாணவர்களின் வேண்டுகோளுக்கு இணங்க, உங்களுக்கான தீபாவளி பரிசாக டிஜிட்டல் வர்ணஜாலம் சீசன் – 3 க்கான கால அவகாசம் மேலும் ஒரு வாரம் நீட்டிக்கப்பட்டுள்ளது.
தமிழக மாணவர்களின் ஓவியத் திறமையை ஊக்குவிக்கும் விதமாக வருடம் ஒருமுறை சூரியன் FM நடத்தும் ‘டிஜிட்டல் வர்ணஜாலம்’ சீசன்-3 கோலகலமாக தொடங்கி நடைபெற்று வருகிறது.
தமிழகத்தின் ஒவ்வொரு மாவட்டத்திலும் குறைந்தபட்சம் 5000 மாணவ மாணவியர்கள் பங்குபெறக் கூடிய இந்த பிரம்மாண்ட ஓவிய போட்டிக்கு இது வரை இசைஞானி இளையராஜா, மக்கள் செல்வன் விஜய் சேதுபதி உள்ளிட்ட பல நட்சத்திரங்கள் மற்றும் ஓவியக் கலைஞர்கள் நடுவர்களாக இருந்து வெற்றி பெற்ற மாணவ மாணவியர்களுக்கு பரிசுகளும் வழங்கியுள்ளனர்.
வகுப்பு வாரியாக பிரிவுகள் கொண்டு நடத்தப்படும் இந்த ஓவியப் போட்டியில் வெற்றி பெறும் திறமைசாலிகளை ஊக்குவிக்கும் விதமாக பல கண்கவர் பரிசுகளும் வழங்கப்படும். கடந்த 2 வருடங்கள் போலவே டிஜிட்டல் உலகில் தமிழக மாணவர்களுக்கான பிரம்மாண்டமான ஓவிய போட்டியாக இந்த வருடம் நடைபெறும் டிஜிட்டல் வர்ணஜாலம் சீசன் 3-ம் இருக்கும் என்பது அனைவரும் அறிந்ததே.
டிஜிட்டல் வர்ணஜாலம் : சீசன் – 3 அறிவிப்பு வெளியானதிலிருந்து இதுவரை தமிழகத்தின் மூலை முடுக்குகளில் இருந்து பல மாணவர்கள் அவர்களுடைய ஓவியங்களை எங்களுக்கு அனுப்பியுள்ளனர். தொடர்ந்து அனுப்பியும் வருகின்றனர். போட்டியில் பங்கேற்பதற்கான இறுதி நாள் அக்டோபர் 24, 2022 என அறிவிக்கப்பட்டிருந்த நிலையில் சூரியன் FM நேயர்கள் மற்றும் தமிழக மாணவர்களின் வேண்டுகோளுக்கு இணங்க ஒரு வாரம் கால அவகாசம் நீட்டிக்கப்பட்டுள்ளது.
எனவே போட்டியில் பங்கேற்பதற்கான இறுதி நாள் அக்டோபர் 30, 2022 ஆக மாற்றப்பட்டுள்ளது. இதுவரை போட்டியில் பங்கேற்காத மாணவர்கள் பங்கேற்க விரும்பினால் உங்களது ஓவியங்களையும் கீழே கூறியுள்ளபடி எங்களுக்கு அனுப்புங்கள்.
மாணவர்கள் வகுப்பு வாரியாக கீழே கொடுக்கப்பட்டுள்ள தலைப்புகளில் தங்கள் ஓவியங்களை அனுப்பலாம்.
1 முதல் 5-ஆம் வகுப்பு வரை “My Happy Home”
6 முதல் 8-ஆம் வகுப்பு வரை “My Favourite Sport”
9 முதல் 12-ஆம் வகுப்பு வரை “Tamilnadu in 2030”
8668095588 என்னும் வாட்ஸப் எண்ணிற்கு Hi என Message செய்து, அதில் கேட்கப்படும் கேள்விகளுக்கு விடையளித்து உங்கள் ஓவியத்தை புகைப்படம் எடுத்து அனுப்புங்கள். ஓவியத்தை அனுப்ப கீழே உள்ள லிங்க்-ஐ க்ளிக் செய்யுங்கள்.
https://api.whatsapp.com/send?phone=+918668095588
உங்கள் குழந்தைகளின் திறமையை அனைவரும் அறிந்து கொள்வதற்கான இந்த அரிய வாய்ப்பை பயன்படுத்தி, அவர்களின் கை வண்ணத்தை சூரியன் FM-ற்கு அனுப்புங்கள். கை நிறைய பரிசுகளை வெல்லுங்கள்.
மேலும் விவரங்களுக்கு சூரியன் FM-ன் சமூக வலைதள பக்கங்களில் இணைந்திருங்கள்.
