பாகுபலியாய் நம் மனதில் பாய் போட்டு தங்கிவிட்ட பிரபாஸின் “சலார்” திரைப்படத்தின் First Look போஸ்டர் வெளியாகி இணையத்தை கலக்கி வருகிறது. இப்படமும் பாகுபலியை போல பன்மொழித் திரைப்படமாக உருவாகும் என தெரிகிறது.
ஏற்கனவே பிரபாஸ் ராதே ஷ்யாம், #Prabhas21, ஆதி புருஷ் ஆகிய மூன்று படங்களில் நடித்து வருகிறார் என்பது குறிப்பிடத்தக்கது. இந்நிலையில் சலார் திரைப்படத்தின் Update ‘டார்லிங்’ பிரபாஸ் ரசிகர்களுக்கு தித்திப்பில் திணறடிக்கும் Add-on Update ஆக அமைந்துள்ளது என்றே கூறலாம்.
” யானை வரும் பின்னே, மணியோசை வரும் முன்னே ” என்று கூறுவது போல, KGF திரைப்படத்தை தயாரித்த Homable Films நிறுவனம் தங்களது அடுத்த இந்திய படத்தை அறிவிக்கப் போவதாக நேற்றே (டிசம்பர் 1) அறிவித்தனர். அது பிரபாஸின் திரைப்படமாக இருக்குமோ???.., என்று ரசிகர்கள் சந்தேகப்பட்ட நிலையில், சலார் திரைப்படத்தின் போஸ்டர்-ஐ இன்று வெளியிட்டு பிரபாஸ் ரசிகர்களுக்கு விருந்தளித்துள்ளனர்.
வெறித்தனமான வெற்றிப் படமான K.G.F திரைப்படத்தை இயக்கிய பிரஷாந்த் நீல் தான் சலார் திரைப்படத்தையும் இயக்கவுள்ளார். இப்படத்தின் போஸ்டர்-ஐ வைத்து பார்க்கும்போது, இப்படம் ஒரு மாஸ் Action திரைப்படமாக அமையும் என தெரிகிறது. சலாரின் படப்பிடிப்பு 2021 ஜனவரியிலிருந்து தொடங்கும் என படக்குழு அறிவித்துள்ளது.
இப்படத்தின் போஸ்டர் வெளியான சில நிமிடங்களில் இருந்து # SALAAR என்ற டேக் ட்விட்டரில் இந்திய அளவில் ட்ரெண்ட் ஆகி வருகிறது. இதுவே இப்படத்தின் மீது உள்ள எதிர்பார்ப்பை குறிக்கிறது. அதுமட்டுமின்றி பிரபலங்கள் பலரும் இப்படத்தின் போஸ்டர்-ஐ தங்களது ட்விட்டர் பக்கத்தில் பகிர்ந்து படக்குழுவினருக்கு வாழ்த்துக்களை தெரிவித்து வருகின்றனர். விரைவில் சலாரின் சாகசங்களை திரையில் திருவிழாவாக கொண்டாட ரசிகர்கள் ஆவலுடன் காத்திருக்கின்றனர்.
சலார் திரைப்படம் வெற்றியடைய சூரியன் FM சார்பில் வாழ்த்துக்களை தெரிவித்துக் கொள்கிறோம்.
